Scholae Hiemales_LA_2026

Scholae Hiemales 2026

Scholae trium dierum a d. 27 Februarii ad d. 1 Martii 2026 in Instituto Studiorum Classicorum Universitatis Wratislaviensis (via Komuny Paryskiej 21) agitabuntur. CAVE: non est idem locus, ubi scholae aestivae haberi solent!

Discipuli in tres greges dividentur:

    • Tirones, quibus prima Latinitatis elementa traduntur.
    • Provectiores, qui Epitomen Historiae Sacrae legent enodabuntque.
    • Veterani, qui Titi Lucretii Cari De rerum natura libros legent enodabuntque.

Mementote dispositionem discipulorum ad peritiam singulorum accomodatum iri, inde numerum gregum augeri posse.    

Ordo scholarum:

    27 Februarii (dies Veneris)

    • 13:30–14:00 — participes excipiuntur 
    • 14:00–14:10 — auspicatio
    • 14:10–15:30 — schola 1
    • 15:30–16:00 — intercapedo
    • 16:00–17:30 — schola 2
    • 17:30–18:00 — intercapedo
    • 18:00–19:30 — schola 3

    28 Februarii (dies Saturnii)

    • 10:00–11:30 — schola 1
    • 11:30–12:00 — intercapedo
    • 12:00–13:30 — schola 2
    • 13:30–15:30 — prandium
    • 15:30–17:00 — schola 3
    • 17:00–17:15 — intercapedo
    • 17:15–18:30 — cantus Latini

    1 Martii (dies Solis)

    • 10:00–11:30 — schola 1
    • 11:30–12:00 — intercapedo
    • 12:00–13:30 — schola 2
    • 13:30–15:30 — prandium
    • 15:30–17:00 — schola 3
    • 17:00–17:15 —  testimonia participibus traduntur

     

    De stipe

      • Scholae 100 nummis Europaeis vel 390 aureis Polonicis constant, si infra diem 15 m. Ianuarii solves; 115 EUR vel 450 PLN, si postea. Hoc pretio continentur viginti horae scholarum, omnia adiminicula discipulorum (sicut libelli ope lucis duplicati), cibus et potus in intercapedinibus sumendi.

    De cibo

      • Quo pretio nec prandia nec cenae continentur.
      • Tempore prandii scholarum participes cauponam petere poterunt aut, si cibaria tecum afferes, in Instituto manere iuvabit (microundarium adest).

    De deversoriis

      • Participes ad suum arbitrium deversorium eligere possunt.
      • Proxime adest Hostel Wratislavia. Annis praeteritis nonnulli discipuli in proxima Domo Sororum Dominae Nostrae pernoctaverunt. Sororibus epistulas Anglice mittere licet, quamvis situs retialis lingua Polonica tantum scriptus sit.
      • Wratislavia urbs est Poloniae celeberrima, suademus igitur, ut deversoria quam primum quaeratis.

    NOMEN DARE VOLO

    Visne quid rogare?

    Scribe nobis!