Scholae Novembres 2025
Scholae duorum dierum 29–30 Novembris 2025 in Instituto Studiorum Classicorum Universitatis Wratislaviensis (via Komuny Paryskiej 21) agitabuntur. CAVE: non est idem locus, ubi scholae aestivae hiemalesve haberi solent!
Discipuli in tres greges dividentur:
- Tirones, quibus Catharina Ochman prima Latinitatis elementa tradebit.
- Provectiores, quibuscum Elisabetha Górka Chrysin comoediam ab Enea Silvio Piccolomini compositam leget enodabitque.
- Veterani, quos Christophorus Bekieszczuk de Rabano Mauro Germaniae praeceptore docebit.
Horarium (idem utroque die):
- 10:00–11:30 — schola 1
- 11:30–12:00 — caffea
- 12:00–13:30 — schola 2
- 13:30–15:00 — prandium
- 15:00–16:30 — schola 3
- 16:30–17:00 — caffea
- 17:00–18:30 — cantus (Saturni die) / ludi (Solis die)
- 19:00–… — cena
De stipe
- Scholae 60 nummis Europaeis vel 250 aureis Polonicis constant, si infra Idus Octobres solves; 75 EUR vel 300 PLN, si postea.
De cibo
- Quo pretio nec prandia nec cenae continentur.
- Tempore prandii scholarum participes cauponam petere poterunt aut, si cibaria tecum afferes, in Instituto manere iuvabit (microundarium adest).
De deversoriis
- Participes ad suum arbitrium deversorium eligere possunt.
- Proxime adest Hostel Wratislavia. Annis praeteritis nonnulli discipuli in proxima Domo Sororum Dominae Nostrae pernoctaverunt. Sororibus epistulas Anglice mittere licet, quamvis situs retialis lingua Polonica tantum scriptus sit.
- Wratislavia urbs est Poloniae celeberrima, suademus igitur, ut deversoria quam primum quaeratis.
- Praeterea, gregem apud WhatsApp instituimus, ad quem aditus patebit his participibus qui contubernalem quocum diatam conducere cupiant, facile inveniant.
Visne quid rogare?